बरामद गरिएको सुन गालेर जोख्दा ६० किलो ७१६ ग्राम

काठमाडौं, ३० साउन

त्रिभुवन अन्तर्राष्ट्रिय विमानस्थल भन्सार कार्यालय बाहिर बरामद गरिएको सुन गालेर जोख्दा ६० किलो ७१६ ग्राम भएको छ । नेपाल राष्ट्र बैंकको टक्सार महाशाखाका अनुसार ब्रेक शुबाट छुट्टयाएको सुन गाल्नुअघि ६० किलो ७८९ ग्राम थियो ।  गाल्दा ७३ ग्राम घटेर ६० किलो ७१६ ग्राम भएको हो ।

सीआईबी, राजस्व, नेपाल राष्ट्र बैंक र टक्सार कार्यालयका प्रतिनिधिको रोहबरमा सुन गालेर जोखिएको हो । सुन प्रकरणको अनुसन्धान १९ दिनसम्म गरेर राजस्व अनुसन्धान विभागले थप छानबिनको जिम्मा सीआईबीलाई लगाएको थियो । सीआईबीले संगठित अपराध र राजस्व छली कसुर प्रकरणको अनुसन्धान गरिरहेको छ ।